მზის ენერგია სარგებლობს მზარდი დაინტერესებით საქართველოში, რაც განპირობებულია რამდენიმე ფაქტორით:
1.ფინანსური მხარე – მზის ენერგია უფრო ხელმისაწვდომი ხდება, თანამედროვე ტექნოლოგიების განვითარებასთან ერთად, მზის ენერგიის მოპოვების ფასი არსებითად მცირდება.
2. საკანონმდებლო რეგულაციები – საქართველოში არსებული კანონმდებლობა ხელს უწყობს მცირე მზის სადგურების გამრავლებას, რაც კიდევ ერთი მიზეზია ამ სფეროს განვითარების მიმრთულებით.
3.ფინანსური უკუგება – მზის ტექნოლოგიები ვითარდება დიდი ტემპებით, უმჯობესდება ელექტროენერგიის მოპოვების და სადგურების ექსპლუატაციის პირობები, რაც ითარგმნება მაღალ უკუგებაში ფინანსებიდან. ეს კი გახლავთ ერთ-ერთი მამოძრავებელი ძალა ამ სექტორში.
ქსელური ტიპის მზის ელექტროსადგურიდან მომავალ ენერგიას ინვერტერი გარდაქმნის ცვლად დენად და გზავნის სადისტრიბუციო სისტემაში, რომელსაც ქსელს ვუწოდებთ. როგორც წესი, ქსელური მზის ელ-სადგური მიერთებულია მომხმარებლის შიდა ქსელზე და მომხმარებელი ჩართულია ნეტო აღრიცხვის პროგრამაში, რაც გულისხმობს იმას, რომ ჭარბი გენერაციის შემთხვევაში გამომუშავებული ელ-ენერგია ქსელში გადის და ორმაგი მრიცხველის საშუალებით მომხმარებელს დადებითი ბალანსი უფიქსირდება, რომელიც შემდგომ შეუძლია გამოიყენოს. ქსელური გარდამქმნელი ქსელში ელ-ენერგიის გათიშვის შემთხვევაში ითიშება. მასზე შეუძლებელია აკუმულატორების მიერთება.
ავტონომიური მზის ელექტროსადგური ქსელურისგან განსხვავებით, არ არის ქსელში მიერთებული. ქსელზე მიერთების შემთხვევაში, ის დაზიანდება. მისი ამოცანაა ავტონომიური მზის ელ-სადგურების მიერ აკუმულატორებში დაგროვილი ელ-ენერგიის გარდაქმნა მომხმარებლისთვის სასურველი ძაბვის ელ-ენერგიად (230 ვოლტად).
რაც შეეხება ჰიბრიდულ მზის ელექტროსადგურს, მას აქვს უნარი იმუშაოს როგორც ავტონომიურ, ისე ქსელურ რეჟიმში, რითაც ქსელურ ან ავტონომიურ სადგურებთან მიმართებით საგრძნობ უპირატესობას ფლობს. მას აქვს ძირითადად ორი ფუნქცია:
დიდი ზომის მზის ელექტროსადგური არის ფართომასშტაბიანი (განსაზღვრულია როგორც 1 მეგავატზე მეტი) პროექტი, რომელიც
დაკავშირებულია ელექტრო ქსელთან და ჰყიდის გამომუშავებულ ელექტროენერგიას ადგილობრივ ენერგო ოპერატორს.
კომერციული ტიპის მზის ელექტროსადგურები განკუთვნილია ნებისმიერი ტიპის ბიზნესისთვის, ვისაც უნდა ელექტროენერგიის ხარჯის შემცირება ან განულება.
Powered by Mediahub
